Safiirka Soomaaliya ee dalka Shiinaha oo ka jawaabay hadalkii ka soo yeeray Ardayda ku sugan  Shiinaha

February 6, 2020 (Awdinle Online) –Safiirka Soomaaliya ee dalka Shiinaha ayaa ka jawaabey hadal kasoo yeeray qaar kamid ah Ardayda Soomaaliyeed ee ku nool Magaalada Wahun ee dalka Shiinaha halkaas oo uu ka dilaacey Cudurka Coronavirus.

Ardayda ayaa waxaa ay sheegeen iyaga oo la hadlayay Idaacadda Risaala ee Magaalada Muqdisho in dowladda Soomaaliya ay dayacdey,kadib markii dalalka badankood muwaadiniintii ka joogtay Shiinaha ay kala baxeen dalkaas.

Safiirka Soomaaliya ee dalka Shiinaha Danjire Cawaale Cali Kullane ayaa waxaa uu sheegay in xilligaan aysan fududeyn in ardayda Soomaaliyeed db loogu soo celiyo Gudaha dalkood,isla markaana uu beeniyey in aysan ka warqabin Safaarada Soomaaliya ee dalka Shiinaha.

“Waxaan ognahay Dhalinyarada Soomaliyeed ee Wuhan ku sugan qof cudurkii qaba ma jiro laakiin ma jiro qab looga soo qaadi karo magaaladaas oo magaalo kale oo gudaha dalka China ah loo geyn karo dadku inay sidaas u fahmaa ayaa muhiim ah oo aysan ahayn dowladda Soomaaliyeed waxaa ay ka gaabisay in dadkaas diyaarad loo diro ama la tixgaliwaayay”  Safiirka Soomaaliya ee dalka Shiinaha ayaa yiri

 Warar Sugan Kala Soco   Awdinle.com