Kenya oo laga helay kiisas kale oo ku saabsan Corona

Kenya ayaa xaqiijisay saddex oo qof kale oo uu ku dhacay cudurka Corona, waxay guud ahaan tirada kiisaska la xaqiijisay ee dalkaas ka dhigeysaa 7.

Wasiirka caafimaadka ee Kenya Mutahi Kagwe ayaa sheegay in dhammaan dadkan uu ku dhacay cudurka ay ka yimaadeen dibadda.

Kiisaskan ugu dambeeyay ayaa kala ah lamaane kasoo safray caasimadda Spain, waxayna soo mareen Dubai 5-tii bishan, halka qofka saddexaad uu u dhashay Burundi isla markaana uu dalka yimid 17-kii bishan.

Wasiirka wuxuu sidoo kale sheegay in dadka la kulmay saddexdan qof la karantiilayo.