Wafdi uu hoggaaminayo Sanater Cabdi Xasan Cawaale Qeybdiid oo gaarey Gaalkacyo

March 26, 2020 (Awdinle Online) –Magaalada Gaalkacyo ee Xarunta gobolka Mudug ayaa waxaa Maanta gaarey wafdi uu hoggaaminayo Guddoomiyaha guddiga dib u eegista Dastuurka laba Aqal Sanoter Cabdi Xasan Cawaale Qeybdiid.

Wafdiga ayaa waxaa sidoo kale qeyb ka ah odayaal iyo siyaasiin ka soo jeeda deegaanada Galmudug,waxaana Magaalada Gaalkacyo kusoo dhaweeyey mas’uuliyiin ka tirsan Maamulka Magaalada Gaalkacyo.

Wararka Risaala ay heleyso ayaa waxaa ay sheegayaan in ujeedka wafdiga ay u tageen Magaalada Gaalkacyo ay tahay sidii ay ula kulmi lahaayeen madaxweynihii hore ee Galmudug Axmed Ducaale Geelle Xaaf oo kasoo horjeeda doorashadii ka dhacdey Magaalada Dhuusamareeb.

Kulanka Xaaf iyo wafdiga ka socda dowladda ayaa waxaa looga wada hadlayaa sidii xaaf looga qancin lahaa tabashada uu qabo,isla markaana uu uga qeyb-geli lahaa Xaflada Caleema-saarka Madaxweynaha Galmudug Axmed Cabdi Kaariye (Qoor Qoor).

 Warar Sugan Kala Soco   Awdinle.com