Xog kusoo korortay Shirka Madaxweyne Farmaajo & Dowlad Goboleedyada

Waxaa caawa mar kale dib u bilowday shirka looga hadlayo hannaanka doorashada oo u dhaxeeya Madaxweyne Farmaajo, Madaxweynayaasha Dowlad Goboleedyada iyo Guddoomiyaha Gobolka Banaadir, kaasoo shalay illaa xalay Madaxda ay ku maqnaayeen fasax iyo la tashiyo ay la soo yeelanayeen dhinacyada kale, iyagana si gaar gaar ah isu arkayeen.

Shirka caawa ayaa waxaa ku soo biiray Guddoomiyaha Golaha Shacabka Maxamed Mursal Sheekh C/raxmaan oo loogu yeeray inuu qeyb ka noqdo wada hadalada.

Ilo ku dhow dhow kulanka ayaa sheegaya in Madaxda Dowlad Goboleedyada ay weli ku adkeysanayaan qodobada kala ah In aanay doorashadan maamulin Guddiga Madaxa bannaan ee doorashooyinka qaran, taas bedelkeed la sameeyo Guddi heer federaal iyo heer dowlad goboleed, In doorashada aanay xisbi lagu gelin, in deegaanada doorashada aanay ka badan 2 deegaan, tirada ergada laga dhigo 101 illaa 150 ergo.