Shuute oo ku dhawaaqay digniin ku socota Saraakiisha Ciidamada Dowladda

Guddoomiyaha Maxkamadda Ciidamada Qalabka sida ee Soomaaliya Xasan Cali Nuur  ayaa uga digay Saraakiisha iyo Ciidamada  ku sugan Gobolka Gedo dhibaateynta dadka Shacabka.

Isaga oo Boqolaal Askari kula hadlayay Xadka ay Soomaaliya la wadaagto Kenya dhinaca degmada luuq ayuu sheegay in Ciidamada looga baahan yahay in ay noqdaan kuwo afkooda iyo gacantooda laga nabadgali, isla markaana ay badbaadiyeen dadka Shacabka ah.

Waxaa uu sheegay in askarigii dhibaateeya dad Shacab ah aan marnaba laga yeeli doonin, isla markaana Maxkamadda Ciidamada ay tallaabo ka qaadi doonto.

Mas’uuliyiinta Maxkamadda Ciidamada Qalabka sida oo maalmahaan socdaal ku marya degaano ka tirsan Gobolka Gedo ayaa xukuno kala duwan waxaa ay ku ridden Ciidamo ka tirsan kuwa Dowladda iyo rag lagu eedeeyay inay la Shaqeynayeen Al-Shabaab.