Howlgal culus oo laga fuliyay Jowhar, kadib dilal ka dhacay

Ciidamada Booliska ee Degmada jowhar oo kaashanaaya bulshada ku dhaqan halkaasi ayaa ku howlan dadaallo lagu xaqiijinayaan amniga magaalada Jowhar iyo deegaanada kale ee Gobolka Sh/Dhexe.

Taliyaha Saldhiga Booliska Degmada jowhar,maxamed oo u waramay Warbaahinta Dowladda ayaa soo hadal qaaday muhiimada bulshada,u leedahay nabadda iyo sida ay lama huraanka u tahay in shacabku la shaqeeyaan laamaha amniga. .

Taliyaha ayaa ku baaqay in si looga guuleysto cadawga dhagarta u maleegaya shacabka loo baahan yahay in meel looga soo wadajeesto kooxaha nabad-diidka ee dilalka ka wada Gobolka Sh/Dhexe.

Bulshada ku nool caasimada hirshabeele,ayaa soo dhoweeyay hawlgalada ka soconaaya gudaha,iyo hareeraha magaalada jowhar.

Amniga Magaalada Jowhar ayaa aad u xumaaday bilihii u dambeeyay, waxaana bil gudaheed lagu dilay laba Wasiir oo ka tirsan Maamulka Hir-Shabeelle.