Hay’adda UNODC oo balan qaad u sameysay Booliska Soomaaliya

Taliyaha Ciidanka Booliska Soomaaliyeed Generaal Cabdi Xasan Maxamed Xijaar ayaa Garoonka diyaaradaha Aadan Cadde ee Magaalada Muqdisho kulan kula qaatay Madaxda Sare ee Hay’adda UNODC.

Kulanka ayaa inta uu socday waxaa looga hadlay qorshaha tayeeynta iyo Tababarada Xubnaha Ciidanka ee Baarista Dembiyada, iyada oo la is dhaafsaday qorshaha mustaqbalka dhow.

Taliyaha Ciidanka Booliska Soomaaliyeed Cabdi Xasan Maxamed Xijaar ayaa Madaxda Sare ee Hay’adda UNODC ka dalbaday inay tababo caalami ah siiyan xubnaha Ciidanka dowladda ee Baarista Dembiyada.

Kulankaas ka dhacay Garoonka diyaaradaha Aadan Cadde ayaa waxaa Taliye Xijaar ku wehlinayay Saraakiil  sar Sare oo ka tirsan Ciidanka Booliska iyo Afhayeenka Booliska Sadiiq Aadan Cali Duudishe.