Maxay ka wada hadleen Waiir Cawad iyo Safiirka Shiinaha?

Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad, ayaa maanta oo Axad ah ku qaabilay xafiiskiisa uu ku leeyahay dhismaha Wasaaradda ee Caasimadda Muqdisho Safiirka Jamhuuriyadda Shacbiga Shiinaha u qaabilsan Jamhuuriyadda Federaalka Soomaaliya, Mudane Qin Jian.

Kulanka ayaa labada mas’uul waxaa ay uga wada hadleen xiriirka labo geesoodka iyo siyaabaha lagu xoojin karo iskaashi dhinac weliba leh oo u adeegaya dano wadaagga labada dal iyo labada shacab ee saaxiibada ah.

Intii kulanka lagu guda-jiray waxa uu Wasiirka Arrimaha Dibadda carabka ku adkeeyay xiriirka dhow ee ka dhexeeya Soomaaliya iyo Shiinaha, isagoo carabaabay himilada Muqdisho ee ah in ay ka shaqayso sidii hore loogu sii hore loogu dhaqaajin lahaa geedi socodka qotodheereynaya wax wadaagga istiraatiijiyadeed ee kala dhexeeya Bakiin.