Dad isku qoys ah oo lagu dilay hal goob & faah faahin laga helayo

Wararka laga helayo degmada Waajid ee gobolka Bakool ayaa waxaa ay sheegayaan in Xubno ka tirsan Al-Shabaab  ay weerareen  guri ku yaalla degmadaas, isla markaana weerarkaas ay ku dileen Carruur & waalidiintooda.

Wararka la helay ayaa waxaa ay sheegayaan in rag hubeysan oo ka tirsan Al-Shabaab ay rasaas ku fureen Guriga, waxaana rasaastaas ku dhintay 7 qof oo kala ah, Hooyo, Carruurteeda iyo Aabaha guriga oo ahaa Askari ka tirsan Milateriga Soomaaliya.

Wararka ayaa waxaa ay taasi ku darayaan in Aabaha guriga ee askariga ahaa uu muddo iska caabiyay Xubnaha ka tirsan Al-Shabaab ee weerarka kusoo qaaday, basle markii dambe ay dileen.

Taliyaha degmada Waajid ee gobolka Bakool  Daahir Aadan ayaa xaqiijiyay falkaas argagaxa leh, isaga oo sheegay inay wadaan baartaano la xiriira Arrintaasi & dadkii ka dambeeyay.