Deni & Axmed Madoobe oo kawada hadlay isbadalka Siyaasadeed ee dhacay.

Madaxweynayaasha DG Puntland Siciid Cabdullaahi Deni & Axmed Maxamed Islaam Madoobe ayaa xiriir telefoon oo dhexmaray waxa uga wada hadleen isbadalka cusub iyo qaabka markale ay u wajihi karaan wadahadalka uu iclaamiyay Madaxweynaha muddo xileedkiisu dhammaaday Maxamed Cabdullaahi Farmaajo.

Deni & Madoobe oo culeyska uga badan kala hortagay Madaxweynaha muddo xileedkiisu dhammaaday Maxamed Cabdullaahi Farmaajo, Ra’iisul Wasaare Rooble, Madaxweynayaasha Dowlad-Goboleedyada Galmudug, Koofur Galbeed & Hir-Shabeelle ayaa kawada hadlay sidii ay u dejin lahaayeen qorshe cusub oo ay kula jaanqaadanayaan isbadalka soo kordhay.

Saraakiil katirsan Dowlad-Goboleedyada Puntland & Jubbaland ayaa Mustaqbal u sheegay in Welwelka dhanka amniga weli uu taagan yahay maadaama xiisaddii taagneed gacan-qaad toos ah habeenno kahor sababtay, wax isbadal ah kuma imaan doona ilaaladii badneed oo ay usoo wateen Axmed Madoobe & Siciid Deni Magaalada Muqdisho.

Ilo kale ayaa sheegay Safarka Madaxweynayaasha Dowlad-Goboleedyada Jubbaland & Puntland uu ku beegan yahay todobaadka soo socda, Sabtida oo ah 1-da May 2021 waxaa Golaha Shacabka BFS hortagaya Madaxweynaha muddo xileedkiisu dhammaaday Maxamed Cabdullaahi, waana tan keentay in safarkooda ay la sugaan natiijada kulankaas kasoo baxda